Carballo | Vieiro trasládase, temporalmente, á antiga escola de Pacita

• Esta nova localización atópase na rúa Alfredo Brañas. O motivo da mudanza son as obras na súa sede habitual

A asociación Vieiro fixo público un cambio de sede, aínda que de forma temporal, trasladándose á antiga escola de Pacita situada na rúa Alfredo Brañas de Carballo. O motivo deste cambio débese ás obras que se están executando no tellado do antigo centro de formación ocupacional na avenida da Cristina, onde Vieiro tiña a súa sede ata o de agora.

O que non cambia son os servizos de información e orientación que ofrece a asociación ás persoas con algún tipo de adicción, así como aos seus familiares. Máis información en vieiro. org.