En condicións normais, os irmáns Bardanca, pasan moito tempo sen ver ás súas familias polo seu traballo, percorrendo infinidade de quilómetros para levar a súa música ao longo e ancho da xeografía galega, Carlos coa orquestra Los Satélites e Javier coa orquestra Trébol. A esta altura da tempada, ambos estarían posiblemente bastante máis distanciados do que realmente estiveron en tempos de confinamento polo Covid-19. Momento que aproveitaron para unir forzas e interpretar unha bonita canción a ritmo de trompeta para reinvindicar que o seu sector, o das orquestras, duramente castigado pola suspensión das festas pola pandemia, non quede no esquecemento dos gobernos e as administracións. Este foi o vídeo e a mensaxe que publicaron nas redes sociais, en colaboración con Miguel Tudela nos arreglos, José Somoza, mezcla e masterización e Juan Antonio Varela Moreira na elaboración do vídeo.
«Javi, como representación da orquestra Trébol, e o meu irmán Carlos Bardanca como representación da orquestra Los Satélites, fixemos este bonito tema nesta época de confinamento, para poñer o noso gran de area para reivindicar que o noso sector non quede no esquecemento do goberno nin das administracións, e acórdense de que as orquestras, necesitamos saber a que enfrontarnos canto antes, para reorganizarnos e poder seguir sobrevivindo que non vai ser fácil, pero co apoio de todos haber se pronto conseguimos gozar das nosas festas». Esperamos que vos guste. #Sinmusicanonhaivida