O xogador Carlos López decide separar o seu camiño deportivo co Bergantiños FC. O club agradécelle o seu traballo, esforzo e compromiso mostrado nestes máis de dous anos nos que estivo defendendo as cores do Bergan, formando parte do plantel responsable do histórico ascenso á #2RFEF, regalando grandes e marabillosos momentos.
Por outra banda, Josiño Filgueira, pasa a ser a segunda incorporación neste mercado de inverno para o plantel do primeiro equipo. Josiño, mediopunta de Bueu (17/06/97), deixa a Liga Polaca para volver a terras galegas e reforzar ao Bergantiños. Anteriormente estivo ligado á SD Compostela durante catro temporadas e pasou por clubes como o CD Ribadumia e Villalonga F.C.