A vicepresidenta do Goberno, Carmen Calvo, prometeu que defenderán a Cataluña de «separatistas e separadores», en alusión aos independentistas e á dereita, e remarcou que do conflito catalán só se sairá «con diálogo e con lei». No recinto da Farga de L’ Hospitalet, Calvo participou este domingo no acto de presentación da candidatura da alcaldesa Núria Marín para as municipais de maio, xunto co líder do PSC, Miquel Iceta.
A vicepresidenta criticou durante o seu discurso as posicións «extremas» do independentismo e da dereita, aos que reprochou que votasen no mesmo sentido no Congreso dos Deputados para bloquear os Orzamentos do Estado.