Case 150.000 alumnos comezan as clases na ESO e no bacharelato


Un total de 148.144 estudantes comezaron este luns 16 de setembro as clases na educación secundaria obrigatoria (ESO), bacharelato, e ensinanzas de réxime especial (para adultos, artísticas e deportivas), segundo os datos provisionais recompilados polos servizos estatísticos da Consellería de Educación, Universidade e Formación Profesional.

As cifras de matriculación non serán definitivas ata dentro dunhas semanas, dado que aínda nos últimos días se realizaron exames de recuperación en secundaria. De feito, neste total tampouco se contempla o alumnado de FP, ensino en que aínda é posible matricularse.