- O accidente produciuse sobre as 09:30 horas na rotonda do Álvaro Cunqueiro
Un accidente con polo menos catro turismos implicados, deixou na mañá deste luns un total de catro persoas feridas.
Sobre as 09:30 horas, unha persoa particular alertou ao 112 Galicia dunha colisión múltiple por alcance, na rotonda do Álvaro Cunqueiro, na VG-20.
Os xestores do 112 Galicia puxeron en alerta ao Servizo de Urxencias Sanitarias de Galicia-061, que confirmaron que catro persoas, aínda que non parecían revestir gravidade, resultaran feridas.
Ata o lugar desprazáronse axentes da Garda Civil de Tráfico, da Policía Local e o persoal do servizo de limpeza e mantemento da vía.