- A xerente da tenda, Begoña Fernández, móstrase perplexa ante o acontecido
Nin as intensas choivas desta fin de semana nin os fortes refachos de vento puideron coa colorida escultura que preside a tenda Stoupa, situada na vila de Cee. Sen embargo, este domingo a estrutura sufriu varias roturas que, tal e como confirma a xerente do local, Begoña Fernández, «responden a estupidez humana duns descerebrados».
A escultura de Nando Lestón, cuxo nome fai referencia ao artista Man de Camalle, xa aguantara os golpes dalgúns vándalos despois das festas de Noitevella no ano 2018.
A obra será restaurada de novo, pero desde o establecemento non entenden os motivos que poden levar a algunhas persoas a romper e destruír o traballo doutras, e piden máis respecto.