A invasión rusa de Ucraína estivo presente na 75ª Asemblea Mundial da Saúde da OMS. O director xeral do organismo, Tedros Adhanom, que se enfronta á súa renovación, lembrou que os conflitos privan a poboacións enteiras de servizos sanitarios esenciais e que a guerra facilita que as enfermidades se expandan. O presidente de Francia, Emmanuel Macron, interveu a distancia para pedir á OMS que apoie unha resolución de condena promovida por Ucraína. A resolución denuncia os ataques perpetrados por Moscova contra o sistema sanitario ucraíno e as graves consecuencias da invasión sobre a alimentación de moitos países, que dependen de Ucraína e de Rusia. O texto condena duramente a invasión aínda que segundo moitos países non se contempla a expulsión de Rusia da OMS. Cren que a cooperación en saúde debe ser preservada.
33