O Concello de Cerceda deu comezo á construción de 260 metros de beirarrúas na travesía de Abeleira con cargo ao Plan Único da Deputación da Coruña.
Previamente á execución das mesmas, canalizaranse as pluviais, executaranse 7 arquetas con sumidoiro e 7 pozos de recollidas de auga, así como a iluminación pública neste tramo cun tubo de polipropileno verde.
O proxecto, que conta cun orzamento de 37.575,36 euros, supón unha continuación “da liña de traballo do goberno local para mellorar as comunicacións e optimizar as infraestruturas por e para a nosa veciñanza”, sinala o alcalde, Juan Manuel Rodríguez.