O Concello de Cerceda reforzou durante a campaña de Nadal o servizo de limpeza nos espazos públicos.
Para iso, implementouse un novo sistema mecanizado a través dunha máquina varredora con condutor e apoio dunha persoa auxiliar cunha máquina de soplado. Estase actuando nos núcleos urbanos de Cerceda e A Silva, e a idea é facelo extensible o resto de puntos poboacionais. Farase especial fincapé nas beirarrúas e sendas que conectan os distintos lugares municipais e onde exista tránsito peonil.
O alcalde, Juan Rodríguez, insiste na “relevancia non só de actuar para mellorar Cerceda, senón tamén facer un reforzo nas tarefas de mantemento, algo moi importante de cara a coidar a imaxe do pobo”, subliñou.