Este mércores visitou as instalacións de CETIM Technological Centre, situadas en Culleredo, José Ramón Gómez Besteiro, deputado no Congreso e José Ramón Rioboo, alcalde de Culleredo. Estiveron acompañados polo director xeral do Centro Tecnolóxico, Toni Pons e a directora executiva, Lucía Camino Vázquez, que lle presentaron o futuro proxecto ao que CETIM aspira, a creación do Centro de Excelencia para a Competitividade de Economía Circular, na zona da antiga fábrica da Cros.
Besteiro coñeceu o carácter multisectorial de CETIM a través dos seus tres principais áreas de actuación: Materiais Avanzados, ECO BIO Tecnoloxías e Industria Dixital. Gómez Besteiro declarou: “Compartimos con eles ese impulso novo que se lle quere dar a recuperación dese proxecto da antiga Cros” e afirmou que “esa é a aposta polo futuro, a recuperación da ría e a recuperación dun patrimonio industrial a través do impulso dá tecnoloxía”.
CETIM é un Centro Tecnolóxico privado, recoñecido polo Ministerio de Ciencia e Innovación, orientado a ofrecer servizos e a satisfacer as necesidades tecnolóxicas dos seus clientes e colaboradores, fomentando a innovación e a mellora da competitividade empresarial. Está especializado en aplicación de novas tecnoloxías, ofrecendo o seu coñecemento e servizos de maneira transversal a todos os sectores para achegar valor engadido.