En China, as protestas contra a política de ‘cero covid’ chegan ás rúas de Shanghái e Pequín. En Shanghái, a policía desaloxou pola forza aos manifestantes que pedían a dimisión de Xi Jinping e o fin do goberno do Partido Comunista Chinés. Protestas deste tipo a gran escala son moi raras en China, onde as expresións públicas de disidencia son habitualmente reprimidas.
Ao berro de «Non queremos PCR, queremos liberdade» as protestas estendéronse a ducias de campus universitarios e a outras sete cidades, incluída a capital, Pequín, que experimenta os seus niveis máis altos de contagios con máis de 4.300 novos casos detectados, maioritariamente asintomáticos.
A nivel nacional, o país bate por cuarto día consecutivo o seu récord de infeccións con case 40.000 novos contaxios. A política de «COVID cero» impón tests, restricións e confinamentos a millóns de persoas. A pesar das protestas masivas, a prensa oficial mantén silencio sobre o asunto.