China iniciou este sábado manobras militares para rodear Taiwan, despois de que a presidenta da illa, Tsai Ing-wen, se reunise o mércores en California co presidente da Cámara de Representantes dos Estados Unidos, Kevin McCarthy. Os exercicios, unha medida anunciada previamente polo Exército chinés para «exercer presión» sobre este territorio, incluíron o despregamento de «foguetes, mísiles convencionais, navíos e avións» tanto no norte como no sur de Taiwan, segundo indicaron os medios chineses. Concretamente, entre o armamento mobilizado, figuran sistemas de lanzamentos de mísiles PHL-191, un navío destrutor 052C, buques Tipo 22 equipados con mísiles e caza J-10C, ademais de mísiles balísticos convencionais DF-11, segundo apuntou o rotativo local Global Times.
25