O Comité Nacional da formación tomou esta decisión este martes tras o desastre electoral das eleccións municipais e autonómicas do pasado domingo. Este 28M o partido laranxa confirmou os peores prognósticos: quedou fóra de todos os parlamentos autonómicos en xogo e dos concellos das principais cidades. «O Comité Nacional decidiu que a forma máis intelixente de defender as ideas e o espazo liberal en España é que non concorramos neste ciclo electoral mentres nos preparamos para o novo escenario político que parece que se abrirá», explicou en rolda de prensa o secretario xeral do partido, Adrián Vázquez.