O IES Parga Pondal de Carballo ven de celebrar a clausura da súa III Semana da Música. A apertura tivo lugar cunha charla sobre «A Música eo Cerebro», impartida por Iria Rajal e a interpretación de «Relax«, de Mika, por parte do alumnado de música de 2º de Bacharelato.
Alumnado de música de 4º ESO, 1 e 2º Bacharelato mostraron toda a súa arte facendo desfrutar ao público en todo momento no concerto de clausura que ofreceron.
Todo saíu perfectamente. Ao final agradecementos mutuos, á colaboración da dirección do I.E.S. Isidro Parga Pondal, de todo o profesorado e persoal non docente, así como dos ex-alumnos e ex-alumnas por todas as facilidades prestadas para desenvolver este proxecto. Cunha mención especial ao equipo de decoración e audicións conformado polo alumnado de música de 4º ESO e 1º Bacharelato, xunto co equipo de alumnos/as de 2º Bacharelato , encargados da montaxe e deseño gráfico de todos os vídeos creados ao longo do curso, pola súa dedicación e profesionalidade: Mencía Barca Amado, Lucía Ceán Suárez, Valeria Ramos Busto, Alejandro Couto Nicolau, todos capitaneados por Xairo Campos Blanco.