COGAMI continúa coa campaña lanzada este ano para sensibilizar sobre a discapacidade e visibilizar situacións que marcan o incumprimento de dereitos fundamentais das persoas.
No mes de febreiro falaron de participación, de que a persoa dispoña de autonomía para que poida decidir como quere vivir a súa vida. En palabras da coordinadora da área de Promoción da Autonomía Persoal, “hai que adaptar o sistema ás necesidades das persoas e non que as persoas se adapten ao sistema”.
Neste seguinte vídeo pódese ver a peza audiovisual que reivindica Somos Participación a través de diferentes situacións comúns, que ás veces non resultan ser así para as persoas con discapacidade, como ir á compra, compartir conversas e café con amizades, conducir ou traballar.