Preto de 140 persoas integrantes de seis colectivos de persoas con diversidade funcional na comarca participan na primeira actuación do festival Brión Inclúe, unha iniciativa dirixida a favorecer a inclusión real de persoas con discapacidade a través da cultura. Está organizada polo Concello de Brión, xestionada por Culturactiva S. Coop. Galega e subvencionada pola Deputación da Coruña, asistiron tamén persoas de Dodro, Noia, Santiago, Teo, Rois e Val do Dubra. A programación rematará este domingo a partir das 12.00 horas, celebrarase Sesión Vermú presentada por Andrea Bugallo que contará coas actuacións de Iguatuke, Minguante e Sophie Simonds.