A Consellería de Infraestruturas e Mobilidade iniciou as obras de reforzo de firme nas autoestrada AG-57 Puxeiros – Valmiñor, e AG-55 A Coruña-Carballo, cun investimento de máis de 320.000 euros.
Nestas dúas autoestradas realizaranse distintas actuacións en función das necesidades dos distintos treitos da mesma, comezando pola reparación localizada do firme a través do fresado e reposición con mesturas bituminosas en quente no espesor necesario en ambos lados da autoestrada AG-57 e AG-55.
Na autoestrada A Coruña-Carballo, tras rematar recentemente a intervención de reparación localizada de firme, xa continúan os traballos coa reparación superficial nos tramos que se corresponden cos seguintes puntos quilométricos: 03 e 05+300, 07+500 e 08+500, 11 e 13, e 15 e 13+800. O prazo estimado desta actuación e de 10 xornadas, sempre que o permitan as condicións meteorolóxicas.
As obras desta nova campaña de reforzo de firme completarase na AG-55 coa substitución da lastra por aglomerado na saída 22, peaxe da Laracha. Neste caso a duración dos traballos estímase en 2 días, prevéndose o seu inicio o día 4 de novembro.