21
O Servizo de Vixilancia Aduaneira da Axencia Tributaria e Policía Nacional comisou nun contedor do porto de Vigo 500 quilos de cocaína. A carga procedía de Panamá e fixera escala en varios portos europeos ata acabar na terminal de contedores de Vigo. Alí, as autoridades levaron a cabo a intervención das substancias, que terían un valor de mercado superior aos 12 millóns de euros. A droga achábase disposta en bolsas de deporte sobre a mercadoría legalmente declarada no contedor, seguindo a metodoloxía do gancho cego ou rip off. O proceso de investigación continúa aberto.