- A portavoz do BNG en Europa, Ana Miranda, reuniuse co sector oleiro, redeiro e pesca de Malpica de Bergantiños xunto ao candidato número 6 da lista da Coruña.
Miranda, fixo fincapé en que as vilas deben ter acceso aos fondos europeos de reconstrución no obxectivo de paliar as graves consecuencias económicas causadas polo COVID19, especialmente no tocante á creación de emprego. “É imprescindible aproveitar os fondos da Unión Europea para poñer en marcha proxectos de país, que sirvan para poñer en valor o potencial que temos e para mellorar a situación económica”, salientou Miranda nos diversos encontros sectoriais que mantivo en Malpica de Bergantiños.
Sector oleiro, redeiras e confraría de pescadores integraron as principais xuntanzas que mantivo Miranda ao longo das dúas xornadas, xunto ao candidato número 6 da lista da Coruña, Daniel Pérez, e os concelleiros nacionalistas da localidade, Daniel Reixía e Leticia Varela. “Calquera dos sectores desta comarca ten un gran potencial que debe ser aproveitado, tanto desde o punto de vista cultural como económico”, afirmou a portavoz do Bloque en Europa.