Concentración na praia das Catedrais para protestar pola falta de solución a Alcoa

Miles de persoas, traballadores e familiares de Alcoa San Cibrao e de varias empresas auxiliares, participaron este domingo no monumento natural da Praia das Catedrais nunha concentración para reclamar unha solución que permita manter a industria do aluminio na comarca. 

Cortaron o acceso dos turistas que se achegaban ao areal baixo o lema “Non só se vive do turismo”. A praia das Catedrais é un dos emblemas de Ribadeo e da Mariña, e os traballadores de Alcoa queren con esta acción visibilizar a súa preocupación ante o ERE que a empresa ten plantexado e que ten previsto rematar o próximo 4 de agosto.