36
A Sala do Social do Tribunal Superior de Xustiza de Galicia (TSXG) condenou o Sergas a indemnizar con 15.000 euros a un pediatra dun centro de saúde de Ourense polos danos e prexuízos que sufriu por mor da sobrecarga asistencial á que estivo sometido durante anos e da que advertira á Consellería de Sanidade sen que esta tomase medida ningunha para corrixila.
O número de pacientes asignados a este profesional foi de 1.330 nenos e nenas en 2012; 1.366 en 2013; e 1.387 en 2014. A Asociación Española de Pediatría considera o número óptimo de cativos por pediatra de 800, cun máximo de 1.000, mentres que a Sociedade Española de Médicos de Atención Primaria cifra en 900 o número de tarxetas idóneo.