Santa Comba | Confirmada a expulsión do PSOE de Ucha e Fajín

A Comisión Executiva Federal do Partido Socialista confirmou este venres o expediente disciplinario e a expulsión provisional de José Antonio Ucha Velo e Cristina Fajín Barreiro, aprobada o pasado mes de setembro pola decisión de ambos os dous de apoiar a moción de censura presentada polo PP de Santa Comba sen a autorización dos órganos competentes do PSOE, contra o único edil de Compromiso por Galicia, o exalcalde David Barbeira. A resolución definitiva de expulsión, asinada polo secretario de organización da formación, Santos Cerdán, xa lle foi comunicada a Ucha e Fajín.