Confirmada a primeira morte por vexigas do mono en España

O Ministerio de Sanidade confirmou este venres a primeira morte por vexigas do mono en España, un falecemento que se rexistrou, concretamente, na Comunidade Valenciana. Ata o de agora, notificáronse un total de 4.298 casos no país, de acordo aos datos da Rede Nacional de Vixilancia Epidemiolóxica (Renave). Segundo o documento do Centro de Coordinación de Alertas e Emerxencias Sanitarias dos 3.750 infectados sobre os que se dispón información, 120 foron hospitalizados (3,2%) e un deles perdeu a vida, converténdose na primeira vítima mortal en España. Sanidade informou que, dos 4.148 dos pacientes dos que ten datos, uns 3.458 eran homes que manteñen sexo con homes.