Irán anunciou o enriquecemento de uranio ao 20% nunha instalación nuclear subterránea e o Organismo Internacional de Enerxía Atómica (OIEA) confirmou finalmente a información na tarde deste luns. Esta última violación do país persa ao acordo nuclear de 2015 prodúcese no medio da escalada de tensións con Estados Unidos e Israel. O pacto, alcanzado con varios países, salvagardaba a estabilidade da rexión e con Occidente. Pero a decisión de Irán de empezar a enriquecer uranio ata o 20% non é nova. Hai unha década atrás estivo a piques de provocar un ataque israelí contra as súas instalacións nucleares, tensións que só diminuíron co devandito acordo. A continuación do enriquecemento podería desencadear un novo conflito diplomático con Israel nos próximos días.