O primeiro ministro do Reino Unido, Boris Johnson, e o presidente francés Emmanuel Macron, acúsanse mutuamente de incumprir o acordo comercial post-brexit. Francia chegou a afirmar represalias se Reino Unido non asinaba permisos para a pesca aos seus barcos.
«Creo que as cousas que unen a Francia e ao Reino Unido son moito máis importantes que as que nos dividen, e obviamente traballaremos moi estreitamente cos nosos amigos e socios para chegar ao fondo das cuestións que molestan. Debo dicir que estamos un pouco preocupados porque Francia pode estar a piques de incumprir, ou xa está a incumprir, o acordo de comercio e cooperación que alcanzamos», explicaba á prensa o primeiro ministro británico, Boris Johnson.
Francia afirma que a algúns barcos negóuselles o permiso para pescar en augas nas que navegaron durante moito tempo. O Reino Unido, pola súa banda, asegura que concedeu o 98% das solicitudes dos barcos da UE, e agora a disputa redúcese a unhas poucas ducias de barcos franceses.