- Os primeiros obradoiros desta edición iniciáronse en febreiro e consistiron en traballos manuais
O Concello de Cabana, a través do departamento de Servizos Sociais, está a levar a cabo unha nova edición do programa Ruralízate, unha iniciativa que busca ofrecer alternativas de ocio e fomentar a socialización entre a poboación do municipio e a súa contorna.
Os primeiros obradoiros desta edición consistiron en traballos manuais que se impartiron desde inicios do mes de febreiro na Escola de Vela municipal e nas instalacións da Asociación Íntegro en Nantón.
As seguintes actividades para as persoas participantes, maiores de 55 anos, serán un taller de arranxos florais, que se impartirá de abril a maio; sesións de risoterapia, en xuño; restauración de mobles, de setembro a novembro; e obradoiros de arranxos de Nadal, entre novembro e decembro.