Os traballos céntranse en avaliar os danos e en aclarar as causas deste sinistro que provocou a morte de dous traballadores, e preto de cen persoas tiveron que deixar as súas casas. Bombeiros e técnicos municipais valoran a posibilidade de derrubar o edificio afectado. Os veciños con pisos non lindeiros agardan o visto e prace da empresa construtora para volver ás súas casas con seguridade. Os sindicatos esixen que se investigue se houbo algún erro na seguridade laboral.