Ribera Povisa asinou un convenio de colaboración coa Fundación A de Vítimas de Tráfico mediante o cual o hospital poderá contar con apoio psicolóxico especializado para os pacientes accidentados, co obxectivo de minimizar o impacto emocional da síndrome postraumática. O acordo foi subscribido polo xerente do hospital, José David Zafrilla, e o xerente da fundación, Inocencio Gutiérrez Alonso.
A Fundación A Vítimas de Tráfico, de ámbito nacional, conta cunha ampla estrutura de apoio aos accidentados e as súas familias que inclúe acordos coas institucións públicas e empresas para que as vítimas poidan acceder a servizos como o acompañamento e atención sociosanitaria, a formación e reinserción laboral, ou descontos nas viaxes e hoteis no caso de que as familias teñan que desprazarse do seu lugar habitual de residencia.