Coristanco | Atopan unha muller morta no lugar de Armada, en Erbecedo

Unha muller de avanzada idade apareceu morta este sábado no lugar de Armada, no límite entre a parroquia de Erbecedo e a de Entrecruces. A muller vivía soa desde facía algún tempo, tras quedar viúva. Segundo veciños do lugar, unha bolsa do pan na porta alertou a un familiar que se acercou a vivenda e atopou á muller sen que esta lle respondese. Dada a voz de alarma ao lugar desprazouse unha ambulancia, pero xa nada puideron facer por salvarlle a vida. Ao lugar acudiu unha patrulla da Garda Civil así como a autoridade xudicial de garda para o levantamento do corpo. A autopsia será a que revele con claridade que foi o que lle causou a morte á muller, que tiña dous fillos residentes na comarca de Bergantiños.