Coristanco celebrou a súa ‘I Andaina Solidaria’ con motivo do ‘Día mundial do cancro de mama’

Este pasado domingo tivo lugar a «I Andaina Solidaria» organizada polo Concello de Coristanco a favor da loita contra o cancro de mama; unha iniciativa na que se fomentou a actividade deportiva xunto co descubrimento dos arredores do río Anllóns.

Neste evento participaron un centenar de persoas que, organizadas en grupos de máximo 10, iniciaron o percorrido de forma escalonada ata completar a distancia que separa a praza do Concello do lugar de Verdes.