19
O Concello de Coristanco, adherido ao programa de compostaxe doméstico de Sogama, entregará este mércores os composteiros solicitados polos veciños. A entrega, coma na xornada de onte, terá lugar ás 19:30 horas no Edificio de Servizos Múltiples.
Aquelas familias que queiran participar no programa poderán realizar a inscrición no mesmo a través da Sede Electrónica ou nas Oficinas Xerais do Concello.