Os casos activos de covid-19 seguen en aumento en Galicia e alcanzan os 359, 38 máis ca os rexistrados onte, domingo.
A Dirección Xeral de Saúde Pública da Consellería de Sanidade informa de que, na última actualización, o número de casos activos de coronavirus en Galicia é de 359, deles son:
- 143 da área da Coruña
- 71 da de Lugo
- 26 da de Ourense
- 28 da de Pontevedra
- 64 da área de Vigo
- 24 da de Santiago
- 3 da de Ferrol
Do total de pacientes positivos, 1 está en UCI, 15 en unidades de hospitalización e 343 no domicilio.
Ata o de agora, en Galicia hai un total de 11.307 persoas curadas, e rexistráronse 619 falecementos.
O número de probas PCR realizadas para detectar infección por covid-19 é de 254.374.
A Dirección Xeral de Saúde Pública informa de que na xornada de onte non se rexistraron falecementos en centros residenciais.