Este xoves constituíuse o Órgano de Selección do Proceso de Consolidación de Emprego 2020-2021 que, entre outros aspectos, fixou para o domingo, 7 de maio de 2023, a data do exame do proceso de ingreso de persoal laboral fixo para a cobertura de 7.757 postos nas categorías de reparto 1 e 2, axente de clasificación en centros de tratamento e atención ao cliente en oficinas.
O prazo de inscrición para a participación neste proceso, actualmente aberto, finalizará este sábado, 21 de xaneiro ás 23.59 horas.
Esta macro-convocatoria de 7.757 postos de traballo, a maior oferta de Correos en décadas, representa un fito para cumprir coa estabilización do emprego e a redución da temporalidade. Enmárcase nas taxas de reposición aprobadas para os anos 2020 e 2021 na Lei 20/2021 para a redución de temporalidade no emprego público e no RDL 32/2021 de medidas urxentes para a reforma laboral.