O inicio da execución das obras de urbanización da primeira fase do Plan Director do Complexo Hospitalario Universitario de Ferrol, fan necesario o corte parcial do tráfico rodado a partir deste xoves. Os traballos permitirán dotar de acceso viario a planta soto -2 proxectada na ampliación e reforma do Complexo Hospitalario Universitario de Ferrol.
Este novo andar das instalacións sanitarias estará destinado a prestar servizos auxiliares do hospital, como lavandería ou restauración. A intervención na rúa Doadores de Sangue, cun prazo total de execución de 8 meses, terá afección ao tráfico na súa primeira etapa, polo que foi necesario coordinar o seu desenvolvemento coa actividade escolar da zona.
O tráfico permanecerá cortado nesta zona, mantendo soamente un sentido de circulación de vehículos. A previsión é proceder ao corte total do tráfico rodado a partir do día 23 de xuño, habilitándose e sinalizándose os correspondentes desvíos. A data prevista para a apertura do tráfico en condicións similares ás actuais prevese para principios de setembro. Máis adiante, realizaranse traballos que deberán executarse en coordinación coas obras da fase 1 do hospital, pero xa con menor afección ao tráfico.