34
A cifra de contaxios por coronavirus en Galicia segue medrando, con 16 novos casos activos contabilizados este luns, o que eleva o total a 233, segundo os últimos datos facilitados polas autoridades sanitarias. A evolución foi desigual nas diferentes áreas sanitarias galegas, pois nalgunhas soben os contaxios e noutras baixan. Entre as primeiras figuran as de Lugo, con 90 casos (cinco máis que o domingo); Ourense, con 7 (un máis); Vigo, con 44 casos (nove máis), e Santiago, con 16 (tres máis). Do total de pacientes positivos, 1 está en UCI, 12 en unidades de hospitalización, un máis ca no anterior reconto, e 220 no domicilio, quince máis.