A cifra de mortos por coronavirus en Galicia suma 246 persoas, mentras o número de contaxiadas é de 5.342, co que en 24 horas houbo 172 casos novos. Trátase do menor incremento de contaxios nos últimos 15 días. Ademais, 610 pacientes recibiron a alta.
Segundo informa a Dirección Xeral de Saúde Pública, dos pacientes que deron positivo 1.081 son da área de Vigo, 1.071, da área da Coruña; 992, da de Ourense; 871, da de Santiago; 563, da de Lugo; 457, da de Pontevedra, e 307, da de Ferrol.
Do total de pacientes positivos, 168 están na UCI, un menos que este domingo. En unidades de hospitalización permanecen 939 persoas, 46 máis ca na xornada anterior. Outras 4.235 persoas contaxiadas están no seu domicilio. O número de probas PCR realizadas é de 30.002.