- Polo de agora en Galicia hai un total de 256 afectados
A Consellería de Sanidade comunicou este martes un total de 3 novos casos positivos de persoas afectadas por covid-19 no brote de A Mariña, o que eleva a 131 o número total de casos detectados pola Plataforma de Vixilancia e Control Epidemiolóxica. Aínda así, dez persoas xa están curadas e foron dadas de alta, o que implica que o número de casos activos de Covid-19 nestes momentos na comarca de A Mariña é de 121.
Do total de casos activos a maioría son asintomáticos ou presentan síntomas de carácter leve, e teñen a obriga de gardar corentena durante 14 días.
Con respecto ao número de casos en Galicia, o Sergas informou de que a día de hoxe hai 256 persoas afectadas en toda a comunidade autónoma. Deles 24 son da área da Coruña, 151 da de Lugo, 3 da de Ourense, 3 da de Pontevedra, 60 da área de Vigo, 13 da de Santiago, e 2 da de Ferrol.
Polo de agora, en Galicia hai un total de 10.817 persoas curadas, rexistrándose 619 falecementos.
O número de PCR realizadas é de 201.666.