O Sergas iniciou este martes un cribado preventivo con probas PCR a preto de 2.700 alumnos de primeiro e segundo de Bacharelato de diversos centros educativos de Pontevedra, Poio, Marín, Sanxenxo, Cambados e O Grove, e que posteriormente se procesarán no servizo de Microbioloxía do Complexo Hospitalario Universitario de Pontevedra. As probas finalizarán o próximo día 11, en coordinación coas Consellerías de Sanidade e de Educación, Cultura e Universidade. A finalidade destes cribados é detectar o maior número posible de portadores asintomáticos, co que se espera que así se permita reducir a cifra de contaxios. O Sergas pediu aos centros educativos da área Sanitaria a súa colaboración voluntaria para facer este cribado en diversos institutos de educación secundaria dado que un dos grupos de idade máis afectado son mozos de idades comprendidas entre os 15 e os 25 anos.
40