A unha semana do terremoto en Turquía e Siria, os labores de rescate en moitas zonas non cesaron. Seguen rescatando a sobreviventes que levan días atrapados baixo os entullos. En ambos os países hai decenas de miles de mortos e feridos. En Turquía, a catástrofe afectou ao territorio de 10 provincias. A Confederación de Empresarios de Turquía calcula que os danos materiais poden superar os 84.000 millóns de dólares. Segundo a Federación Internacional Cruz Vermella Media Luna Roja (IFRC) en Turquía hai 16 millóns de persoas afectadas.
A prioridade para Hiba Altayeb, de IFRC Turquía é «proporcionar refuxio, é o máis importante porque a maioría das casas derrubáronse ou non están en condicións para que a xente volva vivir nelas. Así que a xente vive en refuxios, en tendas de campaña. Necesítanse máis instalacións sanitarias, como aseos e auga corrente limpa, porque as infraestruturas tamén sufriron graves danos».