Trátase do primeiro cume europeo para catro mandatarios: o chanceler alemán, Olaf Scholz, o chanceler austriaco, Karl Nehammer, a primeira ministra sueca, Magdalena Andersson, e o primeiro ministro búlgaro, Kiril Petkov. A evolución da pandemia, os prezos da enerxía, Bielorrusia… son moitos os temas que preocupan aos líderes da Unión Europea no seu último cume do ano, que se está celebrando en Bruxelas. Pero hai un que inquieta especialmente: o acantonamento de tropas rusas preto de Ucraína. Á súa chegada, nun breve encontro con xornalistas, Olaf Scholz, falou da crise migratoria nas fronteiras con Bielorrusia. Nada máis comezar a cita, os líderes da UE advertiron a Rusia de que calquera agresión a Ucraína traducirase en sancións políticas e económicas por parte do bloque comunitario.
36