Este domingo cumpríronse cinco anos do que foi o peor atentado islamita en Alemaña. Un atropelo contra un mercadillo do Nadal en Berlín matou a trece persoas, unha delas faleceu o pasado 5 de outubro aos 49 anos como consecuencia das graves lesións que lle deixou un forte golpe que recibiu na cabeza, probablemente, ao tentar socorrer aos feridos. O atacante disparou ao condutor dun camión para facerse co vehículo e arremeter contra a multitude.
O presidente do país, Frank-Walter Steinmeier, falou na cerimonia conmemorativa da «enorme fisura» que deixou aquel ataque e puxo de manifesto os fallos do Estado no exercicio das súas obrigacións para evitar este tipo de situacións: «Temos que admitilo: o Estado non foi capaz de cumprir a súa promesa de protección, seguridade e liberdade. Esta é a súa débeda, coas vítimas, os feridos e as súas familias.