A Asociación de Empresarios de Santa Comba está a organizar un curso de escaparatismo este mes de xaneiro. Terá unha duración de 10 horas repartidas en cinco sesións de dúas horas cada unha, en días a determinar. Trátase dun curso gratuíto e presencial dirixido aos socios/as da entidade, ainda que no caso de que non se cubra un mínimo de alumnos esixido, a convocatoria abrirase ao público en xeral. O prazo de inscrición estará aberto ata o martes 14 de xaneiro.