Curso de habilidades socioemocionais nos institutos de Carballo

• Trátase dun programa da asociación Vieiro dirixido a estudantes de entre 12 a 16 anos

A asociación Vieiro iniciou nos institutos de Carballo o programa Somos hábiles, dirixido a adolescentes con idades comprendidas entre os 12 e os 16 anos.

O obxectivo desta actividade, que será impartida pola psicóloga Lara Periscal, é axudar aos mozos no seu desenvolvemento emocional fomentando a súa capacidade para comprender as súas emocións, potenciando actitudes de respecto e aceptación ou ampliando as súas competencias para a resolución positiva dos conflitos.

Durante as sesións abordaranse varios temas como a autoestima, a empatía, estilos de resposta, a autoafirmación ou como defenderse e expresarse ante os demais e un mesmo.