O recentemente creado grupo político Compromiso por Galicia Carballo solicita ao Concello carballés que cumpra coa lexislación vixente en canto a maleza en moitos puntos do termo municipal. Fano, afirman, despois de recibir numerosas queixas respecto diso nos últimos días. A formación que encabeza Jesús Deus Gende sinala que visitou varias zonas nas que “hai anos que non se limpa” e reclama ao ente local que o grupo de control do medio ambiente se poña a traballar de forma eficaz, e que vixíe máis de cerca as numerosas infraccións que se están cometendo, cunha política moi permisiva neste sentido por parte do Concello.