Decenas de mortos ao ceder unha ponte colgante na India

Traxedia na India ao colapsar unha ponte colgante recentemente inaugurada no estado de Gujarat. Segundo os primeiro informes oficiais, hai polo menos cen mortos, unhas trinta persoas están desaparecidas e outras corenta foron rescatadas da auga. O sinistro produciuse ao ceder a infraestrutura cando un centenar de persoas paseaban sobre ela. A ponte colgante de Morbi é unha estrutura icónica da rexión para o uso peonil, con 1,25 metros de ancho e máis de 200 metros de extensión. A histórica infraestrutura de máis dun século de antigüidade foi reaberta ao público o pasado 26 de outubro tras as obras de reparación e renovación.