O sinistro produciuse sobre as cinco e media da tarde deste xoves a poucos metros do anterior derrubamento. A parte que caeu agora estaba xa cortada ao tráfico dende o anterior derrubamento, hai nove días. Está situada en Vega de Valcarce, León, a poucos metros da entrada en Galicia. Representantes institucionais do BNG dos municipios afectados visitaron a zona do sinistro, onde reclamaron que se permita a reapertura ao tráfico da A-6 en condicións de seguridade.