A aparición dun artefacto explosivo, probablemente da guerra civil, obrigou a desaloxar a praia de Sant Sebastià, en Barcelona. A bomba atopouna un Garda Civil que practicaba submarinismo, a tres metros de profundidade e vinte e cinco da beira. A zona, incluíndo nela a praia da Barceloneta, foi acordoada e evacuada preventivamente contra a unha da tarde deste domingo. Estará pechada ata que se retire ou desactive o artefacto explosivo.