Foi ao fío das 18:30 horas da tarde deste domingo cando os Bombeiros de Vigo informaban ao 112 Galicia da súa saída por mor dunha persoa desaparecida na Praia de Samil.
Decontado, poñíase o suceso en coñecemento de Salvamento Marítimo, que mobilizou a embarcación Salvamar Mirach e ao helicóptero Pesca 1 do servizo de Gardacostas de Galicia. Do mesmo xeito, solicitouse a colaboración do 061-Urxencias Sanitarias, dos axentes da Policía Nacional e Local e Protección Civil da localidade.