29
Tres mortos e seis feridos é o balance provisional do descarrilamento dun tren na rexión escocesa de Aberdeen. Supostamente, detrás das causas podería estar o impacto do convoi contra os restos dun corremento de terra que houbera na zona debido ás fortes choivas dos últimos días. Entre os falecidos estaría o propio maquinista do convoi. O lugar do accidente está bastante afastado e é de difícil acceso, o que complica os labores de rescate, segundo as autoridades de Escocia. Ao aprecer no intre do sinistro o tren Intercity apenas contaba vinte viaxeiros. A ministra principal de Escocia, Nicola Sturgeon, que xa desde os primeiros minutos describiu o suceso como un «incidente extremadamente grave», mostrou todo o seu apoio aos afectados.